Ambiya Aalaihissalam Wa Malayi'ka Ke Mutallikh Aakhida

Ambiya  Aalaihissalam wa malayi’ka ke mutallikh Aakhida:

RASOOL: Rasool ke mana hai khuda-e-tala ke yahan se      

           bandon ke paas khuda-e-tala ka paigham lane vala.

NABI: Wo admi hai jis ke pass wahi yani 

   khuda- e -tala ka paigham Aaya, logon ko khuda- e- tala

   ka rasta batane ke liye.

Aakhida: kayi nabi aur kayi farishte rasool hain, sab nabi mard hi the, na koyi jin nabi hua na koyi aurath nabi huyi.

Aakhida: Nabi aur Rasool mehaz Aallah tala ki meharbani se hoten hain,issme admi ki koshish nahi chalti, Albatta allah tala nabi ya rasool usi ko banata hai jisko wo iss layakh paida fermata hai.

Aakhida:Jo  nabi ya rasool hote hain wo pahale se hi tamam burayon se dur rahate hain, unme yesi  koyi bath  nahi hoti jiski waja se log unse nafrath Karen.

Aakhida: Sab nabi aur tamaam farishte masum hote hain yani unse koyi gunah ho hi nahi sakhta.

Aakhida: Aallah tala ka paigham bandon tak pahunchane me unse koyi bhul,chuk nahi ho sakhti, unse bhul , chuk muhal hain.

Aakhida:Nabi aur farishton ke alava kisi Imaam aur wali ko masum manna gumrahi aur bad majhabi hai. Agarche Imaam aur waliyon se bhi gunaah nahi hota.lekin gunah  kabhi gunah hojaye to shar’an muhal bi nahi.

Aakhida: Aallah  talaki tamaam makhlukh me nabi sabse afjal hoten hain.

Aakhida: Wali kithne hi bade  ruthbe wale quin na ho kisi nabi ke barabar nahi ho sakhte, jo koyi kisi bhi bandon ko kisi nabi  se afjal , ya barabar bataye wo gumrah ,bad mazhab hai.

Aakhida : Nabi ki Taajim  farz -e - aye’n balki tamam farayiz ki asl hai, kisi nabi ki Aadna si tohin kufr hai.

Aakhida : Taamaam Ambiya alaihissalam apni-apni khabron me dunyavi jindagi ki tarah aaj bhi jinda hain, allah tala ka wada hai (“kullu nafsin zaayikatul maoth” )ke pura hone ke  kahtir ek lamha ke liye unhen maoth Aayi, fir allah ne apni khudrate kamila se unhen zinda farma diya.unki zindagi shahidon ki zindagi se bahuth badkar hai.

Aakhida: allah tala ne apne nabiyon ko gaib ki baten batayi, nabiyon ko ye ilme gaib allah tala ke diye se hai. Nabiyon ka ilme gaib Aatayi hai, aur allah tala ka ilme gaib chunki kisi ka diya hua nahi hai balki use kud hasil hai lihaza uska ilm zati hai issiliye  ambiya e kiram ke liye ilme gaib manna shirkh nahi balki imaan hai, jaisa ki bahuth si  ayaton aur A’hadis se sabith hai.

Aakhida: Aallah rabbul izzath ne hamare paire Aaka sallallahu alaihi o sallam ko tamaam kayanath se pahale apne nor ki tajalli se paida farmaya. Ambiya,farishte,zamin o asman, arsh o kursi, tamaam jahan ko huzur sallallahu alaihi o sallam  ke noor  ki jhalak se paida farmaya. Allah tala ne apni zath ke baad har khubi aur kamal ka jame’a hamare  paire nabi sallallahu alaihi o sallam ko banaya . usne apne tamaam khazano ki kunjiyan huzur sallallahu alaihi o sallam ko ata farma di. Din o dunyan ki tamaam nemathon ka  dene vala khuda hai aur baatne vale huzur sallallahu alahi o sallam hain.

Aakhida: Aallah tabarakh o tala ne huzur alai assalatu wassalam  ko bedari ki halat me mehraj Aata farmayi, yani arsh par bulaya aur apna didar Aankhon se karaya,apna kalma sunaya,jannat,dozakh,arsh,kursy wagaira tamaam chijon ki ser karayi. Khayamath ke din aphi sabse pahale ummath ki shafa’ath farmayenge,bandon ke gunah maaf karayenge,darje buland karayenge, inke alawa aur bahuth si khususiyaten hai jinki tafsil  ulmaye  Ahle sunnath ki kitabon me mulaahja ho.

Aakhida: Aallah tala ne apne bandon ki  hidayath ke liye apne nabiyon par mukhtalif kitaben aur sahife nazil farmaya. Hazrath Musa alaihissalam par TORATH, Hazrath Dawood  alaihissalam par ZABUR, Hazrath Isa alaihissalam par  INJIL,aur digar nabiyon par dusri kitaben ya sahife nazil  farmaya. In nabiyon ki ummaton ne iss kitabon ko ghhata ya bada diya aur allah tala ke aahakam ko badal dala tab allah tabarakh o tala ne hamare paire Aaka sallallahu alaihi o sallam par QURAN  E PAK  nazil farmaya, qurane paak me har chiz ka ilam hai. Quran e paak ibtidaye islam se aaj takh waisa hi hai jaisa nazil hua thaa.aur hamesha waisa hi rahega. Iss quran e paak paar imaan lana har shakhs par lazim hai .aab na koyi nabi ane wale hain aur na koyi kitab anevali hai. Jo iss ke khilaf aakhida rakhe o momiln nahi.

Aakhida: farisahte allah tala ki noori makhlukh hai. Allah tala ne une ye takhath di hai ki jo chahe ban jayen. Farishte allah tala ke hokum ke khilaf kuch nahi karte, na jan-booj kar na bhool kar iss liye ki farishte masum hote hain. Allah tala  ne bahuth se kaam farishton ke supurd farmaya hai. Koyi farishta  jaan  nikal ne paar, koyi  pani barsane par, koyi  maa ke pe’t me bachche ki surath banane par aur koyi bandon ke naamaye amal likhne par mukharrar hai,wagaira.

Aakhida: farishte na mard hai na aurath, balki o noori jism ki makhlukh hai. Farishton ka inkar karna, unse  ghalati hone ka imkaan manna bhi gumrahi hai aur yesa shakhs momin nahi.